پہلا سفر وادی نیلم کی طرف (پانچویں قسط)

کیرن

میں اپنے پچھلے بلاگ میں وادی نیلم کے صدر مقام آٹھمقام تک پہنچنے کا ذکر کر آیا ہوں،جہاں ہم نے وادی نیلم کے کنارے ہوٹل میں رات گزاری اور پھر اپنے اگلے دن "کشمیر ی باقرخانی" اور چائے کے ساتھ ہم نے اپنے اگلے دن کا آغاز کیا ،ہماری اگلی منزل کیرن تھی۔

کیرن

کیرن کا نقشہ

کیرن کا منظر

کیرن مظفر آباد سے93کلو میڑکے فاصلے پرہےجبکہ آٹھمقام سے اس کا فاصلہ 9کلو میٹر ہے،یہ ایک چھوٹا سا قصبہ ہے اس جگہ کو "کیرن سیکٹر" بھی کہتے ہیں، جہاں مقبوضہ کشمیر کے علاقہ کیرن اور آزاد کشمیر کا علاقہ کیرن کا فاصلہ 100فٹ رہ جاتا ہے اور دونوں کےدرمیان وادی نیلم کا "دریائے نیلم" لائین آف کنڑول کا کام دیتاہے۔

کیرن سطح سمندر سے 5000فٹ بلند ہے،کیرن کی تاریخ میں ذکر آتاہےکہ 10ویں صدی میں "راجہ بہادر "نے اس شہر کو آباد کیا۔

کیرن کو دیکھنے کےبعد ہم نے یہاں سے 2.5کلومیٹر دور گاؤں جس کو نیلم گاؤں کہا جاتا ہے اور جس کے بارے میں مشہور ہے کہ جس نے "نیلم گاؤن نہیں دیکھا اس نے وادی نیلم نہیں دیکھی "وہاں جانے کا فیصلہ کیا ،نیلم  گاؤں جانے کےلئے ہم نے جیپ کا سہارا لیا اور آدھے گھنٹے کے بعد ہم سہ پہر 12بجے نیلم گاؤں پہنچ گئے۔نیلم گاؤں کی خوبصورتی واقعی میں اس کےدیکھنے والوں کو کو سحر میں مبتلا کردیتی ہے،اس گاؤں کا ذکر میں اپنے اگلے بلاگ میں کروں گا۔